Os nanomateriais teñen unhas características extraordinarias que se aplican na construción para fabricar novos materiais cunhas propiedades que superan as dos materiais tradicionais, por exemplo:
Cementos con capacidade de autorreparación.
Tellas con capacidade para eliminar contaminantes atmosféricos como os óxidos de nitróxeno.
Superficies que repelen a sucidade.
Recubrimentos moi hidrofóbicos.
Cristais con capacidade de almacenar enerxía.
Estes materiais de construción poden liberar nanomateriais cando son cortados ou manipulados mecanicamente. Algúns nanomateriais poden ser seguros, pero outros poden presentar riscos para a saúde. Os que se presentan en po son de especial preocupación, por exemplo nalgúns cementos.
A principal ruta de exposición é a inhalatoria. A clave é limitar a exposición.
Existen máis de 450 produtos que poden incorporar melloras nanotecnolóxicas. Consulte algúns exemplos de nanomateriais en produtos da construción e as súas aplicacións.
| Nanomaterial | Aplicacións |
|---|---|
| Dióxido de titano | Formigón, cemento, morteiro, pinturas, revestimentos, vidro, material illante |
| Sílice | Formigón, cemento, pinturas, revestimentos, vidro, material illante |
| Nanoarxila | Aditivo en composites, recubrimentos |
| Nanotubos e nanofibras de carbono | Pinturas, morteiro, aditivo en composites |
| Grafeno | Revestimentos, pinturas, formigón, cemento, aceiro, material illante |
| Óxido de zinc | Recubrimentos, pinturas |
| Nanocelulosa | Illamentos |
| Óxidos de cobre | Conservante de madeira |
| Nanopartículas de prata | Pinturas, revestimentos |
Teño a obrigación legal de garantir a seguridade e saúde no traballo con nanomateriais e saber que produtos conteñen nanomateriais, cantas persoas os utilizan e en que actividades. Hei de promover e valorar a integración da PRL nano na actividade da empresa e garantir a información, formación e participación efectiva.
Participa activamente na prevención de riscos laborais por NM , en concreto:
Coñece os riscos: a empresa informarate sobre os riscos potenciais dos NM para a seguridade e saúde no traballo.
Pon semáforos: distingue ben as actividades perigosas e a toxicidade de cada un dos NM cos que traballas.
Protéxete: coñece os procedementos de traballo e as medidas de control da exposición a NM .
Pide formación: asegúrate de ter a formación adecuada para traballar con NM . A empresa ten a obrigación de proporcionarcha.
Dá exemplo de seguridade no traballo con nanomateriais: promove entre os teus compañeiros/as o traballo seguro en relación cos NM. Comunica os incidentes.
CONSTRUCIÓN PÓSTER PERSOAL TRABALLADOR
CONSTRUCIÓN VÍDEO PERSOAL TRABALLADOR
Como técnico/a do servizo de prevención:
Identifico os produtos que conteñen nanomateriais: dispoño dun rexistro das persoas laboralmente expostas a NM, o tipo e os usos principais, e información necesaria para a vixilancia da saúde colectiva, para facilitar futuros estudos epidemiolóxicos ou mesmo o recoñecemento do dano laboral.
Actualizo os meus coñecementos en toxicidade de nanomateriais e teño especial precaución coas substancias que a tamaño macro son tóxicas e cos NM fibrosos ou biopersistentes.
Sigo sempre o principio de precaución e a xerarquía de control da exposición.
Identifico onde e como se aplican produtos con NM.
Á hora de avaliar a exposición teño en conta a forma de presentación do produto e o tipo de actividade.
Realizo un rexistro de persoas que traballan con NM e avalío o seu nivel de exposición.
Comprobo que medidas de xestión do risco hai na obra e se é necesario, engado novas medidas.
CONSTRUCIÓN PÓSTER ÁREA TÉCNICA
CONSTRUCIÓN VÍDEO ÁREA TÉCNICA
A información dispoñible sobre os danos dos nanomateriais para a saúde das persoas é limitada. Como médico/a de o servizo de prevención:
Solicito información sobre a PRL nano na empresa e os postos de traballo con risco de exposición a NM.
Actualizo o meu coñecemento sobre a toxicidade dos NM e centro a miña atención nos máis perigosos: fibrosos ou biopersistentes, canceríxenos e aqueles que se presentan en forma de po.
Valoro a exposición do traballador/a tendo en conta o perigo do material e as condicións de exposición.
Coñezo como actúan os NM no corpo humano: mecanismos de toxicidade e principais danos.
Realizo a vixilancia da saúde. Ante a falta de exames específicos para as persoas que traballan con nanomateriais, recoméndase: seguir as pautas establecidas en guías ou protocolos de vixilancia sanitaria para substancias de "tamaño non nano” e incluír nos exames de saúde probas de función pulmonar, renal, hepática ou hematopoética.
Dispoño dun rexistro das persoas laboralmente expostas a NM, o tipo e os usos principais, e información necesaria para a vixilancia da saúde colectiva, para facilitar futuros estudos epidemiolóxicos ou mesmo o recoñecemento do dano laboral.
CONSTRUCIÓN PÓSTER ÁREA MÉDICA