Formación

O obxectivo desta xornada técnica, enmarcada nas accións levadas adiante polo ISSGA con motivo do Día Mundial da Seguridade e Saúde no Traballo, é concienciar sobre a adopción das medidas de seguridade para evitar as caídas de altura tanto durante a instalación como durante a fase de mantemento de paneis solares en cubertas.

Así mesmo, é importante incidir na correcta aplicación da lexislación en prevención de riscos laborais por parte das empresas que están realizando estes traballos.

Na segunda parte da xornada técnica ofrecerase o punto de vista tanto dende a coordinación de seguridade e saúde laboral como dende unha empresa fabricante e un instalador respecto da importancia dos medios de protección na instalación de paneis solares.

Esta actividade formativa está dirixida ás empresas instaladoras de paneis solares, aquelas nas que se teñan instalados paneis solares, servizos de prevención e delegados de prevención, representantes sindicais, asesorías e mutuas colaboradoras, así como proxectistas e coordinadores de seguridade e saúde laboral.