Formación

Esta xornada técnica, realizada en colaboración con McMutual e que forma parte das actividades formativas organizadas polo Issga con motivo da Semana Europea para a seguridade e a saúde no traballo, ten como obxectivo analizar cal é a situación actual da saúde mental no ámbito laboral e expoñer que poden facer as empresas para desenvolver medidas encamiñadas á mellora e o benestar mental de todas as persoas da organización. 

A relación entre saúde mental e traballo pode resumirse en polo menos 4 dimensións:

• O traballo pode contribuír a unha boa saúde mental

• O traballo pode estar na orixe dalgúns problemas de saúde mental

• Os problemas de saúde mental independentemente da causa afectan a o desempeño no traballo

• O traballo pode favorecer a recuperación das persoas con problemas de  saúde mental

Independentemente da dimensión á que lle deamos maior importancia, todas elas van provocar consecuencias nas empresas, ben sexan positivas ou negativas. Por iso, a finalidade que persegue este webinar é aumentar o coñecemento sobre a materia e concienciar a empresas e entidades sobre a necesidade de coidar a saúde mental das persoas empregadas e dos beneficios que iso reporta tanto para a propia organización como para a sociedade en xeral, como punto de partida necesario para acometer os cambios que se requiran.