Eventos

Esta edición de 2026 que terá lugar en Santiago de Compostela está organizada pola Asociación Ibérica de Psicosociología en el Trabajo en colaboración co Instituto de Seguridade e Saúde Laboral de Galicia e a Universidade de Santiago de Compostela.

Conectando coñecemento, experiencia e compromiso

O Simposio Ibérico de Riscos Psicosociais (SIRPS), con presenza consolidada en España e Portugal desde o ano 2016, posicionouse como unha iniciativa pioneira e de referencia na abordaxe integral desta materia. É o único evento de carácter científico-técnico monográfico sobre Psicosociología que se celebra en ambos os países, ofrecendo un espazo privilexiado para o intercambio de coñecemento e experiencias innovadoras.

Impulsado pola Asociación Ibérica de Psicosociología en el Trabajo/Associação Ibérica de Psicossociologia do Trabalho, naceu coa vocación de promover a actualización científico-técnica e favorecer a construción de redes ibéricas de colaboración profesional comprometidas co benestar e a saúde laboral.

Impulsar textos normativos, avances en investigación psicosocial, intervencións eficaces e coordinación entre as distintas administracións constitúen obxectivos esenciais.

Líneas de traballo: foco nos desafíos actuais

O VIII SIRPS articúlase ao redor dos desafíos máis preponderantes da psicosocioloxía laboral contemporánea. É innegable que unha exposición psicosocial adversa pode ter efectos determinantes na seguridade e saúde e,  cando as condicións laborais chegan a comprometer gravemente o benestar e a saúde mental das persoas, a lastrar traxectorias profesionais e proxectos de vida; non podemos mirar para outro lado.

Por iso, este foro centrarase en analizar causas, debater medidas e propoñer accións en catro áreas que esixen unha contribución colectiva.

• Horizontes da psicosocioloxía
  Unha psicosocioloxía máis forte e integrada, con normativa específica, investigación aplicada, prácticas eficaces e compromisos cumpridos.

• Desigualdades e vulnerabilidade
  Equidade, inclusión e xustiza organizacional son elementos clave para o desenvolvemento das persoas traballadoras.

• Adiccións e traballo
  Desafío complexo que esixe comprender a interacción entre factores individuais, laborais e sociais para vincular o ámbito laboral na súa prevención.

• Dixitalización e psicosocioloxía
  Onde están os límites? O obxectivo é propoñer estratexias que convertan a xestión psicosocial na mellor aliada da transformación dixital.