Novas

Ourense, 4 de novembro de 2024. 

Persoal técnico do centro ISSGA_Ourense visitou as instalacións do CIFP Universidade Laboral de Ourense  na que mantivo un encontro co profesorado e alumnado de Formación Profesional, en concreto do Curso de especialización en aeronaves pilotadas de forma remota – DRONS.

A competencia xeral deste título consiste en construír e manter aeronaves pilotadas de xeito remoto-drons ou RPAS (Remotely Piloted Aircraft System) configurados de acordo coas características de deseño e adaptados aos sectores en que vaian prestar servizos, en condicións de calidade, seguridade e respecto ambiental, conforme a documentación técnica do proxecto e aplicando a normativa.

Persoal técnico do Issga fixeron entrega dos dous manuais técnicos do Issga referidos a prevención de riscos laborais derivados do uso dos drons no traballo  e analizaron o seu contido:

   • Innovación en PRL: emprego de drons en actividades profesionais

Nesta publicación abórdanse as actividades que se poden realizar con drons, de forma que podamos ser máis eficientes e estar expostos a menos riscos en relación coas formas tradicionais de realizar os ditos traballos. Que é un dron, tipos, sistemas e actores, que podemos facer con un dron, que actividades son susceptibles de ser realizadas con drons, son algunhas das preguntas ás que se trata de dar resposta.

   • Guía de boas prácticas: PRL no uso de drons

Documento enfocado na análise dos riscos laborais e as medidas preventivas que se deben adoptar no uso de drons. A aparición deste novo actor no ámbito laboral supón tamén que os seus riscos deben ser abordados cun enfoque preventivo.