Novas

Santiago de Compostela, 28 de xaneiro de 2025.  Hoxe tivo lugar unha reunión na modalidade de videoconferencia coa Asociación de Sensibilidade Química Múltiple de Galicia (SQM Galicia) e o ISSGA co obxectivo de realizar os primeiros contactos para un traballo conxunto de sensibilización e prevención no ámbito laboral.

Acordouse a realización dun grupo de traballo multidisciplinar, onde terá protagonismo a propia asociación de SQM Galicia, para planificar e deseñar unha campaña para un colectivo cunha enfermidade pouco coñecida que se enfronta a situacións de exclusión social e vulnerabilidade e acadar estratexias de comunicación para que esta campaña chegue a servizos de prevención de riscos laborais, asociacións de técnicos de prevención, asociacións científicas e axentes sociais para que implementen as medidas oportunas nos respectivos centros de traballo.