Venres, Novembro 24, 2023
Remata en Pontevedra un curso de formación en prevención de riscos laborais no sector forestal
- O Centro de Formación e Experimentación Agroforestal de Lourizán acolleu acción formativa de carácter práctico centrada na gamificación,
- Esta formación chegou tamén a Mondoñedo, Tomiño e Boqueixón
Santiago de Compostela, 24 de novembro de 2023. Hoxe rematou no CEFA de Lourizán (Pontevedra) a sexta e derradeira edición do cursos de gamificación para avanzar na prevención de riscos laborais no sector forestal.
A iniciativa da Consellería de Promoción do Emprego e Igualdade, a través do Instituto de Seguridade e Saúde Laboral de Galicia (Issga); deste xeito, arrancou no mesmo centro no mes de abril e tivo lugar tamén no IES San Rosendo de Mondoñedo e no CFEA de Sergude.
Tiveron lugar seis edicións durante este ano; é unha formación eminentemente práctica con 15 horas lectivas repartidas en tres xornadas e dirixida especificamente a alumnas e alumnos de Formación Profesional. Nas diferentes sesións fíxose uso de ferramentas e aplicacións das que xa dispón o Issga, por exemplo a App Alertas Issga, co propósito de influír de xeito positivo no comportamento das persoas durante o manexo de ferramentas e quipos de traballo empregados no sector forestal.
Esta actuación enmárcase no Plan formativo que o Instituto Galego de Seguridade e Saúde Laboral desenvolve cada ano para incidir na importancia da prevención de riscos laborais nos sectores produtivos con máis peso en Galicia.