Novas

O luns, 8 de marzo de 2010, o Instituto Galego de Seguridade e Saúde Laboral (ISSGA) formalizou a recepción oficial dos 5 vehículos, Seat Ibiza 1.6 Tdi 105 Cv Style, nas instalacións do concesionario en Santiago de Compostela, “Brea Motor S.A.U”.

Con este acto de recepción deuse cumprimento ao contrato de subministro subscrito no concurso público, polo procedemento aberto e tramitación ordinaria, anunciado no DOG núm. 220 do 10 de novembro (expt. 13/09).

Estes vehículos, con destino aos catro centros do ISSGA nas provincias de A Coruña, Lugo, Ourense e Pontevedra, reemprazan aos dados de baixa por antigüidade e servirán para os desprazamentos dos técnicos de prevención de riscos laborais, nas súas funcións de visitas de asesoramento técnico e de comprobacións en materia de prevención de riscos laborais, nas empresas e centros de traballo de Galicia.