Novas

Santiago de Compostela, 14 de maio de 2018. Esta acción formativa, incluída na programación formativa da EGAP, conta coa participación de 22 alumnos e ten unha duración de 16 horas lectivas.

O curso estase a desenvolver no edificio IGAPE_ISSGA en Santiago durante os días 14 e 15 de maio.

As empresas cunha cultura preventiva positiva  coinciden polo menos en tres puntos craves:

• empezar por arriba (liderado exemplarizante)

• motivar aos  traballadores (interiorizar a prevención)

• aprender dos erros (buscar causas e non culpables)

O obxecto do curso é sensibilizar a traballadores e empresarios da importancia da cultura preventiva, e como a actitude que adoptamos en prevención de riscos laborais nos axuda a mellorar o benestar persoal e optimizar deste xeito o rendemento e produtividade das empresas.

O programa ten catro eixos fundamentais que son as estratexias de cambio cultural desde a prevención de riscos laborais (PRL), a xeración de liderado a través da PRL, a motivación no traballo, cando a felicidade é rendible e por último a percepción do risco para mellorar a prevención.

Formación interna

Debido aos numerosos avances no eido da PRL e ao dinamismo da materia, considérase preciso elaborar unha oferta formativa para o persoal do Instituto que inclúa cursos de formación sobre temas relacionados coa seguridade e saúde laboral, co fin de actualizar e afondar os seus coñecementos relacionados coas actividades que desenvolve, ou con temas preventivos novos e de actualidade sobre PRL.