Novas

Hoxe tivo lugar no salón de actos do Centro de Prevención de Riscos Laborais de Cádiz, a xornada de presentación da Guía de vixilancia de saúde no sector pesqueiro que realizaron as CCAA da cornixa cantábrica, Galicia, Asturias, Cantabria e Euskadi.

A presentación desta guía, realizada por un grupo multidisciplinar de técnicos de prevención e de médicos do traballo dos institutos de seguridade e saúde laboral das catro comunidades autónomas e na que se tiveron en conta dez especialidades, tales como os riscos asociados concretos, a atención específica en materia de prevención, ou os perigos de cada posto de traballo e de cada tarefa que aborda o traballador, seguindo os principios da Lei de Prevención de Riscos Laborais, e se fixo por solicitude da Dirección Xeneral de Seguridade e Saúde Laboral da Consellaría de Emprego da Xunta de Andalucía

O obxectivo desta é ofrecer unha correcta orientación e instrumentos para implantar de xeito específico e individual a vixilancia da saúde dos traballadores do sector pesqueiro, así como contar con instrumentos para a detección de enfermidades profesionais relacionadas co traballo no sector e para facilitar a avaliación dos riscos, así como para subliñar a necesidade de establecer os mecanismos que faciliten a coordinación entre os diversos axentes involucrados na vixilancia da saúde dos traballadores do sector pesqueiro.