Novas

Hoxe tivo lugar na sede da SGAE en Santiago de Compostela a xornada "Criterios técnicos CCAA-INSST sobre xestión de espectáculos públicos temporais" Cuestións prácticas, organizado pola Asociación Galega de Empresas Musicais (AGEM).

Una vez superada a primeira etapa da súa aplicación, a AGEM coa colaboración da Deputación da Coruña e o  ISSGA, organizou esta nova xornada na que Pablo García Fernández, técnico de seguridade e saúde laboral no Centro ISSGA_Pontevedra fixo unha exposición na que resaltou os aspectos fundamentais do criterio técnico CCAA-INSST sobre xestión de espectáculos públicos  temporais, con exemplos na súa aplicación, remarcando a importancia de que sexa considerado unha obra de construción e aclarando as cuestións máis frecuentes logo das primeiras aplicacións deste criterio.

O Instituto de Seguridade e Saúde no Traballo de Galicia (ISSGA) participou nun grupo de traballo no seo da Comisión Nacional de Seguridade e Saúde no Traballo, que contou coa participación do resto de comunidades autónomas, así como do Instituto Nacional de Seguridade e Saúde no Traballo (INSST)), que se encargou de establecer criterios técnicos comúns a nivel nacional para facilitar a xestión preventiva durante a montaxe e desmonte de espectáculos públicos.

As conclusións do grupo de traballo plasmáronse na publicación dun informe que recolle as medidas de control sobre as condicións de seguridade das operacións de montaxe e desmonte de escenarios de espectáculos ao aire libre así como o asesoramento documental da actividade preventiva.

Este informe únese aos documentos publicados polo ISSGA co obxectivo de mellorar as condicións de traballo nesta actividade e que se poden consultar na seguinte ligazón.