Novas

11 de marzo de 2021.- Esta acción formativa realizada na modalidade virtual tivo como destinatarios a uns 150 alumnos e alumnas dos seguintes ciclos de formación profesional do Centro de Formación e Experimentación Agroforestal de Sergude en Boqueixón:

• Medio. Aproveitamento e conservación do medio natural
• Superior. Gandería e asistencia en sanidade animal
• Superior. Produción agropecuaria

A actividade foi impartida por María García Díaz, técnica de saúde laboral no Centro Issga de Lugo, e a súa exposición centrouse nos primeiros auxilios e en particular nos accidentes en relación co sector agrogandeiro e forestal. Entres os contidos que se presentaron destacamos os seguintes:

• Intoxicación por fertilizantes
• Riscos derivados da manipulación de fertilizantes
• Regras de ouro no tratamento antitóxico
• Fracturas e politraumatismos
• Picaduras e mordeduras
• Caixa de primeiros auxilios e teléfono de emerxencias
• Feridas e hemorraxias
• Manobra de Heimlich
• Reanimación cardiopulmonar

O ISSGA desenvolve actividades que teñen por finalidade mellorar a información, sensibilización e formación no eido da prevención de riscos laborais na poboación escolar nos diferentes niveis educativos da educación primaria, secundaria, bacharelato e formación profesional, e o apoio técnico ao profesorado.

Deste xeito promovemos a adquisición dunha cultura preventiva no eido laboral dos mozos e das mozas da Comunidade Autónoma de Galicia, inculcándolles condutas seguras e saudables nunha liña de anticipación aos riscos laborais aos que como futuros empresarios e traballadores terán que enfrontarse.