Novas

Santiago de Compostela, 24 de setembro de 2026

O Issga participou onte na reunión do Grupo de Traballo de Seguridade Vial Laboral da Comisión Nacional de Seguridade e Saúde no Traballo (CNSST), celebrada por videoconferencia, na que se abordaron os avances nos traballos relativos á prevención da sinistralidade viaria laboral.
Durante a sesión analizouse a última versión do documento “Directrices Básicas para a Seguridade Vial Laboral”, elaborado polo Subgrupo de Traballo de Directrices de Seguridade Vial Laboral quedando  pendente da súa aprobación definitiva prevista para o mes de outubro.
Tamén se presentaron e analizaron as primeiras propostas para a campaña de sensibilización en seguridade viaria laboral de 2027. Entre elas, valorouse unha proposta da Dirección Xeral de Tráfico (DGT) centrada nas persoas repartidoras en bicicleta e motocicletas e en vehículos de mobilidade persoal (VMP).
Os traballos da campaña terán en consideración a evolución da sinistralidade laboral neste colectivo e as recentes modificacións normativas que afectan estas modalidades de reparto.