Novas

Os centros Issga de Pontevedra e A Coruña acolleron onte e hoxe respectivamente unha xornada técnica organizada por Fremap sobre a xestión integrada do estres dirixida a empresarios, directivos de empresas, directores técnicos, responsables de recursos humanos e formación e profesionais de prevención.

Obxecto e contido

• Encadrado no marco de prevención de riscos e desde unha perspectiva de promoción da saúde, analizouse o concepto do estres e a súa evolución conceptual, así como as implicacións que estas poidan ter na vida das persoas
• Profundizouse no coñecemento da tensión laboral e as súas diferentes tipoloxías, identificando os principais factores de risco que poden conducir ao mesmo.
• Realizouse unha análise aproximativa ás principais estratexias de intervención individual, coñecendo as repercusións persoais e as posibles formas de afrontamento.