Novas

Sobradelo (Carballeda de Valdeorras), 27 de marzo de 2023

Hoxe tivo esta actividade formativa organizada pola Xefatura Provincial de Tráfico de Ourense.

De feito, o pasado sábado, a Consellería de Promoción do Emprego e Igualdade, a través do Instituto de Seguridade e Saúde Laboral de Galicia (Issga), e a Dirección Xeral de Tráfico (DXT), a través da Xefatura Central de Tráfico, asinaron un protocolo de colaboración para a mellora da seguridade viaria e laboral de Galicia para reducir os accidentes de tráfico no ámbito do traballo e co reto de xuntar esforzos cara unha maior sensibilización do tecido empresarial galego.

Ángel López Álvarez, xefe do Centro ISSGA_Ourense fixo unha exposición sobre a tipoloxía de accidentes da lousa. Na xornada tamén se abordaron temas como a análise da sinistralidade viaria no sector, a estiba da carga e recollida de traballadores no sector do transporte ou as condicións dos vehículos no sector da minaría, entre outros.

Como órgano técnico en materia de seguridade e saúde laboral da Administración galega, o ISSGA debe ser referente na difusión do coñecemento en materia preventiva a través da participación institucional en congresos, feiras, xornadas e outras actividades relacionadas coa prevención de riscos laborais e a seguridade e saúde laboral, tanto de ámbito autonómico como nacional ou internacional.