Novas

• Trátase da terceira reunión do grupo de traballo de mellora da acción preventiva

Madrid, 14 de maio de 2024.- Onte e hoxe tivo lugar na sede do INSST a terceira reunión do grupo de traballo de mellora da acción preventivas para avanzar no desenvolvemento da Axenda Nacional de Prevención do Cancro de Orixe Profesional.

O ISSGA participa activamente neste grupo exercendo os labores de moderación e coa achega científico-técnico do seu persoal técnico.

Con esta nova reunión está a cumprirse o itinerario e a actividade para desenvolver a Axenda Nacional de Prevención do Cancro de orixe Profesional marcados na Estratexia Española de Seguridade e Saúde no Traballo 2023-2027.

A prevención de enfermidades relacionadas co traballo, con especial énfase no cancro de orixe profesional, é unha das prioridades incluídas nas súas liñas de actuación.

Neste momento, os cinco grupos de traballo compostos por expertos de diversos ámbitos científico-técnicos están a abordar as dimensións en que se estrutura a Axenda son os seguinte:

• Normativa, asesoramento, vixilancia e control
• Mellora da acción preventiva
• Diagnóstico precoz e intervención temperá
• Investigación e epidemioloxía
• Información e sensibilización