Novas

Rande-Redondela, 26 de abril de 2019. Dentro das actividades levadas adiante polo ISSGA con motivo do Día Mundial da Seguridade e a Saúde no Traballo - 28 de abril, tivo lugar hoxe no seu Centro de Pontevedra, a xornada técnica "Novo regulamento de EPI" que contou coa asistencia de case 100 persoas.

Desde o pasado 21/04/2018 é de aplicación o Regulamento (UE) 2016/425 do Parlamento Europeo e do Consello, de 9 de marzo de 2016, relativo aos Equipos de Protección Individual (EPI) e polo que se derroga a Directiva 89/686/CEE do Consello (trasposta ao ordenamento xurídico español mediante o Real Decreto 1407/1992).

O obxecto do presente regulamento é garantir a protección da seguridade e saúde dos usuarios e establecer normas relativas á libre circulación dos EPI na Unión Europea.

Faise crucial coñecer as principais novidades que o regulamento introduce, así como o seu impacto no mercado para todos os axentes relevantes no ámbito da saúde laboral.

Nesta xornada presentáronse as modificacións incluídas no regulamento así como os distintos aspectos cruciais no sistema de seguridade no produto, fundamentais para a seguridade e saúde de todos os traballadores que requiran o uso de EPI.

Tamén se analizaron aspectos relacionados cos diferentes actores implicados, dunha ou doutra maneira, na seguridade do produto, as súas responsabilidades e os seus problemas.

Finalmente, tivemos a oportunidade de coñecer os diferentes tipos de EPI, selección, uso e control que realiza a administración sobre estes.

Os principais obxectivos que se tentaron acadar con esta actividade formativa foon:

• Actualizar os coñecementos na materia.

• Coñecer as responsabilidades e os problemas que lle xorden aos diferentes actores implicados dunha ou doutra forma, na seguridade do produto así como na súa selección e uso.