Novas

A Coruña 26 de xaneiro de 2026

Hoxe tivemos unha nova reunión do subgrupo de enfermidades profesionais do sector pesqueiro da Comisión Nacional de Seguridade e Saúde no Traballo. 

Estamos xa ultimando o documento dirixido a mellorar a formación e información específica dos facultativos médicos dos servizos de prevención, da atención primaria de saúde e das entidades xestoras e colaboradoras da Seguridade Social en relación cos riscos profesionais e as enfermidades profesionais. 

Neste grupo participa Nieves Lorenzo Espeso, Médica especialista en Medicina do Traballo e xefa da Área Técnica de Medicina do Traballo, Ergonomía e Psicosocioloxía Aplicada do Issga. 

Estas actuacións desenvólvense en consonancia coa Estratexia de Seguridade e Saúde no Traballo de Galicia: Horizonte 2027 e co Plan de Actuación do Instituto de Seguridade e Saúde Laboral de Galicia (Issga), sendo o sector da pesca e as mulleres do mar, un dos colectivos prioritarios.