Novas

Santiago de Compostela, 12 de marzo de 2019. Trátase dun taller práctico que ten como obxectivo a análise, avaliación e verificación de medios de protección para a seguridade eléctrica das instalacións, que ten lugar na sede do Issga en Santiago de Compostela os días 12 e 13 de marzo e conta con 25 asistentes.

Os destinatarios do curso son o persoal técnico do ISSGA e dos servizos de prevención de riscos laborais da Xunta de Galicia.

Esta acción formativa forma parte da programación formativa da Escola Galega de Administración Pública e se realiza en colaboración con Fremap.

Se abordan os distintos conceptos sobre protección fronte ao risco eléctrico en instalacións industriais, a través das seguintes actividades:

- Análise da normativa de aplicación

- Repaso dos conceptos fundamentais relacionados coa seguridade eléctrica

- Desenvolvemento do proceso iterativo de avaliación de riscos en instalacións e equipos eléctricos

- Seguridade integrada

- Protección

- Información

- Realización de cálculos para a resolución de exercicios prácticos

- Prácticas de montaxe, comprobación, verificación e análise da fiabilidade das proteccións eléctricas

Formación interna

Debido aos numerosos avances no eido da PRL e ao dinamismo da materia, considérase preciso elaborar unha oferta formativa para o persoal do Instituto que inclúa cursos de formación sobre temas relacionados coa seguridade e saúde laboral, co fin de actualizar e afondar os seus coñecementos relacionados coas actividades que desenvolve, ou con temas preventivos novos e de actualidade sobre PRL.