Luns, Setembro 13, 2021
Impartimos formación sobre PRL e primeiros auxilios ao alumnado do Obradoiro de Emprego Terras do Sor IV no Vicedo
- A actividade formativa dirixiuse a uns 20 alumnos das especialidades de carpintería e de atención sociosanitaria.
O Vicedo (Lugo), 13 de setembro de 2021. A xornada tivo un contido teórico e práctico e dirixiuse ao alumnado do Obradoiro de Emprego “Terras do Sor IV de Ourol, Vicedo e Muras. Os relatores da xornada foron os técnicos do centro Issga_Lugo, Álvaro López Aenlle, xefe da Área técnica Seguridade no Traballo e Hixiene Industrial e María García Díaz, técnica superior de prevención e enfermeira especialista en Enfermería do Traballo.
A actividade formativa dirixiuse a uns 20 alumnos das especialidades de carpintería e de atención sociosanitaria e tivo lugar na Casa da Cultura de O Vicedo.
O Issga, dentro do seu obxectivo de información, divulgación e formación en materia preventiva, leva adiante accións de promoción da prevención de riscos laborais en colaboración con outras entidades que axuden a implantar unha auténtica cultura preventiva na nosa sociedade.