Novas

Santiago de Compostela, 20 de novembro de 2024

O persoal técnico do ISSGA_Ourense desplazouse ata Monforte de Lemos para impartir dúas Xornadas Técnicas no Centro de Formación e Experimentación Agraria, os días 18 e 20 de novembro, co obxectivo de concienciar sobre o uso seguro da maquinaria agrícola e, moi especialmente, do tractor. 

Por outra banda, o persoal do ISSGA_Pontevedra acudiu ao IES Ribeira do Louro de Porriño, o día 15 de novembro, para impartir formación en varios cursos de formación profesional, tanto do departamento de electricidade e electrónica coma do departamento de edificación e obra civil.

Como órgano técnico en materia de seguridade e saúde laboral da Administración galega, o ISSGA debe ser referente na difusión do coñecemento en materia preventiva a través da participación institucional en xornadas e outras actividades relacionadas coa prevención de riscos laborais e a seguridade e saúde laboral.