Luns, Xuño 26, 2017
Colaboramos coa Cooperativa de Armadores de Pesca do Porto de Vigo (ARVI) na difusión dunha ferramenta formativa para a pesca de arrastre
Vigo, 26 de xuño de 2017.- A Cooperativa de Armadores de Pesca do Porto de Vigo (ARVI) lidera un proxecto de cooperación para a innovación e intercambio de boas prácticas no ámbito formativo e de prevención a nivel europeo en materia de prevención de riscos laborais para a pesca de arrastre denominado “TRAINING TOOL BASED ON THE USE OF ICT FOR RISK PREVENTION AND SAFETY IN THE TRAWLING FISHING (SAFE FISHING)”, cuxos resultados se presentaron hoxe no Edificio de Sesións da Autoridade Portuaria de Vigo, sito no Muelle de Trasatlánticos da Estación Marítima de Vigo.
Neste acto participou Diego Castro Balboa, técnico de prevención de riscos laborais do Centro Issga de Pontevedra e coordinador da área de pesca do Issga, cun relatorio sobre a importancia da formación en materia preventiva para o sector pesqueiro.
SAFE FISHING es una formativa baseada no uso das tic para a prevención dos riscos laborais e promoción da seguridade no sector da pesca de arrastre e poñerase en valor a importancia da formación en materia preventiva no sector pesqueiro.
Como produto final se desevolveuse un “Programa de formación estandarizado a nivel Europeo para o control dos riscos laborais no sector da pesca de arrastre” tanto en formato dixital como en formato audiovisual co fin de formar e informar os traballadores sobre os riscos laborais aos que están expostos no desenvolvemento das súas actividades diarias, así como as medidas adecuadas para previlos.
O Issga, como órgano técnico en materia de seguridade e saúde laboral da Administración galega, debe ser referente na difusión do coñecemento en materia preventiva, tanto na realización de accións formativas nos seus centros provinciais como colaborando con outras entidades e órganos técnicos especializados, de maneira que se convertan en focos de transmisión de saber preventivo.