Venres, Outubro 24, 2025
Asistimos a unha Xornada Técnica sobre seguridade e saúde no sector da pizarra
Carballeda de Valdeorras, 24 de outubro de 2025
O ISSGA leva a cabo diversas actuacións sobre exposición a sílice cristalina respirable, entre as que destacan: Investigación de enfermidades provocadas pola inhalación de SCR (silicose e cancro de pulmón), actuación dos técnicos habilitados con efectos comprobatorios e de asistencia técnica, campaña de sensibilización en talleres e obras ademais da participación do ISSGA en distintos grupos de traballo relacionados con este tema.
No día de hoxe técnicos do Issga asistiron a unha xornada técnica organizada polo Cluster da Pizarra de Galicia no Centro Tecnolóxico da Pizarra situado en Sobradelo (Carballeda de Valdeorras) na que se abordaron distintos aspectos relativos a prevención de riscos laborais no sector da lousa así como algunhas das actuacións que se teñen levado a cabo con obxecto de reducir a exposición dos traballadores ao sílice nesta industria.