Novas

O xefe do Centro do Issga de Pontevedra, José Antonio Rodríguez Arribe, participa hoxe nunha xornada informativa organizada pola Asociación de Consignatarios da Coruña na sede da CEOE sobre a responsabilidade do consignatario sinalada no Real Decreto Lexislativo 2//2011, do 5 de setembro, polo que se aproba o Texto refundido da Lei de Portos do Estado e da Mariña Mercante.

 

Na devandita norma se establece que a Autoridade Portuaria é a encargada de controlar no ámbito portuario o cumprimento da normativa que afecte á admisión, manipulación e almacenamento de mercadorías perigosas, e da normativa que afecte aos sistemas de seguridade.

Para estes efectos, corresponderá aos titulares de concesións e autorizacións o cumprimento das obrigas de coordinación de actividades empresariais en calidade de titulares do centro de traballo. Nos espazos non outorgados en réxime de concesión ou autorización, o consignatario que actúe en representación do armador responderá do cumprimento das obrigas de coordinación durante as manobras de atraque, desatraque e fondeo do buque, e en xeral durante a estanza deste no porto salvo para as operacións de carga, estiba, estiba, descarga ou transbordo de mercadorías ou de embarque ou desembarque de pasaxeiros.

Se se realizan estas operacións ou as de entrega, recepción, almacenamento, depósito e transporte horizontal de mercadorías en espazos non outorgados en concesión ou autorización, responderá do cumprimento das obrigas de coordinación a empresa prestadora do servizo correspondente.

De acordo co previsto na lexislación vixente sobre prevención e control de
emerxencias, cada Autoridade Portuaria elaborará un Plan de Emerxencia Interior para cada porto que xestiona, o cal, unha vez aprobado de acordo co previsto na normativa aplicable, formará parte das Ordenanzas Portuarias.