Formación

Xornada encadrada no marco de Previsel.

Os nanomateriais están cada vez máis presentes en produtos de uso habitual, especialmente no sector da construción, a industria e os materiais avanzados, achegando novas funcionalidades e melloras técnicas. Porén, o seu pequeno tamaño e as súas propiedades específicas tamén poden supoñer riscos emerxentes para a saúde e a seguridade das persoas traballadoras, polo que resulta imprescindible abordar a súa xestión desde unha perspectiva preventiva baseada no principio de precaución e na redución da exposición.

A xornada servirá para dar a coñecer o novo portal web do ISSGA, que recompila información técnica, recomendacións prácticas e recursos específicos para empresas, persoal técnico de prevención e persoal sanitario, así como contidos divulgativos dirixidos ás persoas traballadoras.

Entre os principais riscos asociados aos nanomateriais destacan a inhalación de partículas, a posible toxicidade dalgúns compostos, os efectos respiratorios e sistémicos, así como os riscos de explosión e incendio nalgúns casos. A Organización Mundial da Saúde considera os nanomateriais como substancias potencialmente perigosas e recomenda adoptar medidas estritas de control cando non exista información suficiente sobre a súa toxicidade.

Máis información e inscrición:

Actividades - Previsel

Inscrición - Previsel