Formación

22/10/2026

ORTIGUEIRA_Curso de prevención de riscos laborais no manexo da motoserra e rozadoira

imaxe alerta Issga_arbores sentadas
  • Data: 22/10/2026 a 23/10/2026
  • Inscrición: 15/09/2026 a 12/10/2026
  • Duración: 15 horas
  • Prazas: 15
  • Lugar de celebración: Ortigueira

Queres inscribirte? →Inscribirme

Lugar e horarios

Ortigueira: 22 e 23 de outubro de 2026. De 08:00 a 15:30 horas

Obxectivo do curso:

Proporcionar unha formación específica ás persoas traballadoras e profesionais do sector en materia de prevención dos riscos laborais inherentes a estas actividades, coa finalidade de fomentar a adquisición de habilidades nesa materia así como dunha cultura preventiva, e diminuír os accidentes laborais no sector.

Desenvolvemento do curso:

Os cursos teñen carácter presencial. É obrigatoria a asistencia e puntualidade a todas as sesións presenciais. As faltas de asistencia, non poden superar o 10% das horas de duración do curso aínda que sexan xustificadas, isto suporá a perda do dereito ao certificado de asistencia.

Os datos relativos ao enderezo do local onde se vai impartir o curso, confirmación das datas de impartición e horario serán comunicados ás persoas seleccionadas.

O Issga publicará na súa páxina web toda a información relacionada co desenvolvemento destes cursos.

Persoas destinatarias e distribución das prazas:

Persoas traballadoras maiores de idade con interese na actividade á que se dirixe o curso.

Criterios de selección:

No caso de haber máis solicitudes que prazas, os criterios de selección son:

  • Grupo con prioridade 1: persoas con vinculación laboral ou formación (previa ou actual) na materia.
  • Unha vez seleccionado este grupo, a selección entre estas persoas realizarase por orde de inscrición.
  • Grupo con prioridade 2: resto de persoal.
  • Unha vez seleccionado este grupo, a selección entre estas persoas realizarase por orde de inscrición.

Xunto a solicitude de inscrición, a persoa interesada entregará a documentación xustificativa de pertenza ao colectivo con prioridade 1.

Solicitudes:

Prazo para presentar as solicitudes: 15/06/2026 ao 28/06/2026. Este prazo poderá ampliarse ata alcanzar o número máximo de 15 alumnos/as por curso.

Inscrición:  https://conformaforestal.com/matricula/

Xunto coa solicitude deberá achegarse a documentación xustificativa de pertenza ao colectivo prioritario indicado no apartado anterior.

Esixirase un mínimo de 10 alumnos/as por cursos. No caso de non chegar a este mínimo, o Issga poderá cambiar as datas previstas de desenvolvemento ou anulalo, o que se comunicará con antelación suficiente ás persoas solicitantes.

Para máis información  pode contactar nos teléfonos 981551704 - 649163747 ou enviar un correo electrónico a issga.formacion [at] xunta.gal (issga[dot]formacion[at]xunta[dot]gal).

Acreditación da formación:

Ao remate de cada curso o Issga expedirá certificado de asistencia ao alumnado.

Control e seguimento das accións formativas:

O control e seguimento das accións formativas realizarase polo persoal técnico do Issga.

Custo dos cursos e financiamento:

A asistencia a estes cursos será gratuíta para as persoas seleccionadas.

1. A SEGURIDADE E A SAÚDE NO TRABALLO (0,5 HORAS)

Conceptos básicos sobre seguridade e saúde no traballo. Lexislación de referencia. Organismos públicos con competencias na materia. O ISSGA

2. A PREVENCIÓN DE RISCOS LABORAIS NO MANEXO DE MAQUINARIA FORESTAL (2 HORAS)

A motoserra

A rozadoira

3. OS EQUIPOS DE PROTECCIÓN INDIVIDUAL (EPI) (1 HORA)

4. PLANIFICACIÓN DOS TRABALLOS DE APROVEITAMENTO (1 HORA)
Recoñecemento previo da parcela

Organización do método de traballo

5. PRIMEIROS AUXILIOS E PRIMEIRA INTERVENCIÓN EN CASO DE ACCIDENTE (1 HORA)

6. PRÁCTICAS DE MANEXO SEGURO DA MOTOSERRA (4,75 HORAS)

Identificación dos dispositivos de seguridade

Mantemento, montaxe e desmontaxe de motoserra

Manexo da motoserra. Técnicas de apeo, derramado e tronzado

7. PRÁCTICAS DE MANEXO SEGURO DA ROZADOIRA (4,75 HORAS)

Identificación dos dispositivos de seguridade

Mantemento, montaxe e desmontaxe de rozadoira

Manexo da rozadoira. Técnicas de traballo

Solicitude de inscrición

Por favor, introduza os datos que se lle solicitan a continuación tendo en conta que, no caso de ser desempregado, non debe cubrir os datos relativos á empresa. Os campos marcados con asteriscos (*) son obrigatorios.

DATOS PERSOAIS
DATOS DA EMPRESA

INFORMACIÓN BÁSICA SOBRE PROTECCIÓN DE DATOS PERSOAIS

Responsable do tratamento: Xunta de Galicia – Instituto de Seguridade e Saúde Laboral de Galicia.
Finalidades do tratamento: 

Xestión da inscrición á formación solicitada, control de asistencia e emisión dos certificados de aproveitamento ou asistencia a dita formación. Desenvolvemento de accións formativas, de información e divulgación en materia de prevención de riscos laborais.

Captación e difusión das imaxes realizadas durante as actividades.

Xestión das listas de distribución para o envío de información doutros cursos, xornadas ou eventos similares que poida ser de interese.
Lexitimación para o tratamento:

Cumprimento dunha misión realizada en interese público ou no exercicio de poderes públicos (Lei 14/2007, do 30 de outubro pola que se crea e regula o Instituto Galego de Seguridade e Saúde Laboral)

Consentimento outorgado pola persoa interesada para a captación e difusión das imaxes da actividade e para o envío de información.
Destinatarios dos datos: 

Non se prevén comunicacións a terceiros.

Así mesmo, as imaxes captadas durante a realización das xornadas poderán ser difundidas a través de páxina web institucional da Xunta de Galicia e do ISSGA, informes de actuación e publicacións técnicas destes organismos.
Exercicio de dereitos: 

As persoas interesadas poderán solicitar ante o responsable do tratamento o acceso, rectificación, limitación, e supresión dos seus datos, así como opoñerse ao seu tratamento, a través da sede electrónica da Xunta de Galicia ou nos lugares e rexistros establecidos na normativa reguladora do procedemento administrativo común segundo se recolle en https://www.xunta.gal/exercicio-de-dereitos.

Así mesmo, as persoas interesadas poderán retirar o consentimento previamente outorgado dirixindo a súa solicitude a issga.formacion [at] xunta.gal (issga[dot]formacion[at]xunta[dot]gal). A retirada do consentimento non afectará a licitude do tratamento baseada no consentimento previo á súa retirada.
Contacto delegado/a de protección de datos e información adicional:  https://www.xunta.gal/informacion-xeral-proteccion-datos
CAPTCHA
2 + 8 =
Resolva este sinxelo problema matemático e introduza o resultado. Por exemplo para 1+3, introduza 4.