Formación

AFORO COMPLETO.

Os Institutos de Seguridade e Saúde Laboral de Galicia, Asturias, Cantabria e Pais Vasco veñen colaborando de xeito estable na elaboración de documentos técnicos en prevención de riscos laborais dando resposta a realidades comúns, sumando recursos e coñecemento na procura dunha maior eficiencia do servizo que prestan nos distintos territorios ao tecido empresarial e social.

Baixo esta idea de colaboración institucional e traballo compartido, o denominado Grupo CANO dos catro organismos, elabora e presenta conxuntamente nesta xornada hoxe en Ourense o “Manual do Recurso Preventivo e outras vixilancias de traballos”, que foi presentado xa en Santander e nas próximas semanas nas outras dúas CCAA.

Para a elaboración do manual levouse a cabo unha análise da diversa normativa na que aparece recollida esta figura preventiva e tamén tiveron en conta as consultas recibidas e os problemas de aplicación detectados no desenvolvemento das súas actuacións técnicas en distintos sectores como a construción e o naval.

Esta publicación aborda distintos aspectos sobre esta figura preventiva tratando de aclarar en que situacións é necesaria a súa presencia, a quen lle corresponde o seu nomeamento, e que funcións debe desenvolver, ademais propón modelos para a súa xestión práctica.