Formación

Nun contexto laboral cada vez máis esixente e cambiante, os factores psicosociais convertéronse nun elemento crave para a saúde das persoas traballadoras e o bo funcionamento das organizacións. A xestión da tensión, a carga de traballo, o clima laboral ou o estilo de liderado son aspectos que inflúen directamente no benestar, a motivación e o rendemento.

Este webinar realizado en colaboración con Asepeyo, que se celebrará o 23 de abril, enmárcase no Día Mundial da Seguridade e Saúde no Traballo, centrado este ano nas contornas de traballo psicosocialmente saudables. A sesión ofrecerá unha visión práctica sobre o marco normativo e estratéxico, a avaliación dos riscos psicosociais e, especialmente, sobre como transformar o diagnóstico en accións mediante ferramentas e recursos aplicables, promovendo contornas laborais máis saudables, participativas e sostibles.

Máis información e inscricións: Construíndo benestar: ferramentas para contornas de traballo psicosocialmente saudables | Xestión Eventos Issga