Formación

Este xornada ten como obxectivo analizar os novos riscos emerxentes e compartir propostas de actuación preventiva ante os retos que presenta a emerxencia climática.

Abordarase a situación actual e futura do clima, con especial atención á realidade galega. A evidencia científica sinala un aumento progresivo das temperaturas e a aparición cada vez máis frecuente de fenómenos meteorolóxicos extremos, o que afecta directamente ás condicións nos postos de traballo. O cambio climático pode provocar riscos como estrés térmico, maior exposición a axentes biolóxicos ou interrupcións da actividade por episodios climáticos severos, o que esixe adaptar os protocolos de prevención de riscos laborais.