Eventos

O cancro é a causa principal de mortalidade laboral na Unión Europea (UE). Estímase que, cada ano, unhas 120.000 persoas desenvolven cancro en Europa como resultado da exposición a axentes canceríxenos no seu lugar de traballo, provocando case 80.000 mortes. E detrás destes cancros, atópanse, en moitas ocasións, deficiencias na identificación da presenza dos axentes canceríxenos no lugar de traballo, así como na aplicación da normativa de prevención de riscos laborais.

En España, estímase que falecen anualmente 8.700 home e 850 mulleres por cancros debido a exposicións laborais (Ministerio de Sanidade, 2020). Con todo, o número de cancros recoñecidos como enfermidade profesional representa só unha pequena fracción do número total de cancros relacionados co traballo, favorecendo que a maioría permanezan ocultos baixo a categoría de enfermidade común. Nesta situación, a relación entre o cancro e o traballo segue sendo en gran medida invisible.

E detrás destas cifras, non debe esquecerse que hai persoas que, por motivo do seu traballo, desenvolveron un cancro, enfermidade que provoca un gran sufrimento e que afecta á súa calidade de vida e á das súas familias. A presente xornada técnica quere contribuír a visibilizar o cancro de orixe profesional, incidindo na necesidade de actuar en aspectos tan importantes como, a identificación dos factores de risco e a adopción de medidas preventivas que garantan a protección das persoas traballadoras.