Eventos

O INSST convoca a cuarta edición do Premio á Mellor Acción en Promoción da Saúde no Traballo dentro das empresas da Rede Española de Empresas Saudables (REES).

Solicítase unha acción concreta, é dicir, unha intervención que está integrada nun programa ou conxunto de actividades máis complexo e que destacase dentro dese programa ben polo grao de adherencia, pola satisfacción entre as persoas traballadoras, polos resultados obtidos, pola súa orixinalidade etc.

En concreto, para esta convocatoria teranse en conta as accións relacionadas con:

• Saúde Cardiovascular: solicítase unha acción concreta dentro dun programa ou conxunto de actividades de promoción da saúde cardiovascular no ámbito laboral.

• Saúde Mental: solicítase unha acción concreta dentro dun programa ou conxunto de actividades de promoción da saúde mental no ámbito laboral.

• Traballo inclusivo para persoas con discapacidade: solicítase unha acción concreta, dentro dun programa ou conxunto de actividades de inclusión laboral, orientada a facer efectiva a igualdade de oportunidades das persoas con discapacidade no acceso e mantemento do posto de traballo.

As bases da convocatoria indícanse na seguinte ligazón:  Rede Española de Empresas Saudables - Mellor Acción en PST - INSST

Concederáse un primeiro premio e dous accésits para cada categoría que se entregarán no Encontro anual da REES. Para o devandito encontro solicítase ás tres empresas premiadas en cada categoría que elaboren un póster describindo a acción levada a cabo. Estes posters preséntanse durante a xornada, quedando expostos na sede do INSST e na páxina web.

Participar é moi sinxelo!

Tan só hai que describir a acción no formulario adxunto e enviala a deprosel [at] insst.mites.gob.es (deprosel[at]insst[dot]mites[dot]gob[dot]es)

Poderase optar ás tres categorías, presentando unha soa acción en cada unha delas.

O formulario deberá ser enviado antes do día 14 de febreiro de 2025.

Presenta a candidatura da túa organización!