Axenda ISSGA

Nos últimos anos as estatísticas viñeron reflectindo a crecente importancia do estrés e as súas consecuencias no ámbito laboral ata chegar a ser actualmente a segunda causa de perda de saúde entre os traballadores en toda Europa.

Recoñecer os primeiros síntomas de estrés e identificar as súas causas, así como saber aplicar as estratexias de afrontamento máis adecuadas, pode axudar ao persoal traballador para xestionar correctamente as situacións de estrés no traballo e previr así os seus posibles efectos na saúde.

Este webinar, realizado en colaboración con MC MUTUAL, ten como obxectivos:

• Definir o estrés e aprender a recoñecer os seus síntomas
•  Coñecer cales son as causas específicas da tensión no traballo
•  Coñecer estratexias organizativas e individuais e recursos para facer fronte á tensión no traballo