Máis dun millón de pequenas empresas son unha parte esencial do tecido empresarial do noso país, xa que empregan á cuarta parte da poboación traballadora. Nelas, a prevención de riscos laborais é fundamental xa que concentran unha parte importante dos accidentes laborais.
Prevencion10.es é un servizo público gratuíto de asesoramento en prevención de riscos laborais que permite:
- Xestionar de forma sinxela os riscos laborais ás empresas de ata 25 traballadores
- Facilitar o cumprimento en materia de coordinación de actividades empresariais e informar dos seus riscos aos traballadores autónomos.
Agora, dunha maneira moi sinxela poderás integrar a prevención dos riscos laborais no sistema xeral de xestión da túa empresa, evitando custos, danos ao persoal traballador e baixas laborais, o que aumentará a produtividade do teu negocio.
Dentro do asesoramento que vén realizado o Instituto Nacional de Seguridade e Saúde no Traballo (INST) a través do servizo público Prevencion10.es podemos atopar catro funcionalidades principais:
- Avalía-t®; permite a realización da avaliación riscos, a planificación preventiva e a obtención do plan de prevención de riscos laborai
- Autopreven-t®: proporciona información sobre riscos laborais e facilita a coordinación de actividades empresariais a quen traballe por conta propia e non teñan persoal ao seu cargo.
- Instrúe-t®: curso on-line de 30 horas co que obter a capacitación para o desempeño das funcións de nivel básico en prevención de riscos laborais.
- STOP Riscos Laborais: liña telefónica de atención ao público.
Na seguinte ligazón pode acceder á web de Prevencion10.es e obter máis información.