Para a elaboración destes documentos selecciónanse aquelas enfermidades profesionais máis representativas pola súa frecuencia e, a partir das investigacións que realiza o persoal técnico do Issga, sintetízase a información máis relevante en catro epígrafes: unha descrición da actividade, da enfermidade profesional, das causas e das medidas correctoras e preventivas que se deben adoptar para evitar estes danos, fundamentalmente TME (trastornos musculoesqueléticos). Os textos orixinais son adaptados co obxecto de cumprir a súa finalidade didáctica.