
O obxecto do presente acordo marco é regular a colaboración entre o ISSGA e a Cámara Oficial Mineira de Galicia para a realización e promoción de accións e estudos en materia de seguridade mineira para avanzar na mellora das condicións de seguridade e salubridade das explotacións mineiras galegas.
Establecer as canles de colaboración para o desenvolvemento de actividades de información e formación en prevención de riscos laborais dirixidas aos/ás traballadores/as das actividades da pesca de baixura e do marisqueo, utilizando como principal instrumento o servizo de prevención mancomunado.
Establecer as canles de colaboración para o desenvolvemento de actividades de formación e de vixilancia da saúde dirixidas aos traballadores e traballadoras das actividades do agro, da gandería e do sector forestal, co fin de mellorar as condicións de traballo deste sector.